E PROMÉ 30 HAIKUNAN NA PAPIAMENTU DI DWIGHT ISEBIA PONÉ HUNTU

PAN OF KAVIAR ?
Ta mihor tin pan
den makutu ku kaviar
den boka di rei

KONSTITUSHON

Nos konstitushón
tin ku halsa nivél di
nos kompashón

SIN ALMA
Liderazgo sin
alma por hiba na yen
siguidó sin fe

KOMPASHON
Ta kompashon
di pueblo ta midi su
sivilisashón

HAMBER Y HAIKU
Si'n tin kuminda
ta difisil pa skirbi
haiku bunita

WAK KU WOWO
Mas chikitu kos
ta, mas difisil pa wak
e kos ku wowo

BIDA
Vruminga por ta
igual na bayena pa
loke ta bida

OPSERVASHON
B'a logra bira
Mas bieuw y mas bunita
stimando bida

SOLO DIVINO
Poder di solo
pa kima y tra bida
Kasi Dios pa nos

BIEUW
Mas bieuw mas felís
te awe, kada día
mi experensha

KERE BERDAT
Tin biaha berdat
ta e kos mas difisil
pa logra kere

TAMAÑO
Mira kon grandi
of chikí, tamaño di
bida parse ta

SENSHA
Ta ku ilushon
y fantasía sensha
ta bai dilanti

POKO POKO
Maske tortuga
no por kore e si
ta yega punda

BUNITESA
Búskeda di es
yamá bunita a bin
ku sufrimentu

HABRI BOKA
Ora tribón hap
no kere k’e ta hari;
ta hamber e tin!

TRIBÓN
Tribón tambe tin
nan balor den nos mundu
mes kos ku pruga


KURASHI
Kurashi ta djis
forsa pa logra hasi
loke no ta por

SUNCHI FALSU
sunchi ta sushi
si e boka ke topa
pa chupa forsa

PERSEVERANSHA
neglisha dolor,
keda kana ketu bai
te kaminda por

KONFIA PA AKTUA
Pa tribi aktua,
konfiansa ta esensial
pa no tin miedu

HABRI BOKA
Ora tribón hap,
no kere k’e ta hari:
Ta hamber e tin ¡!

TRIBÓN
Tribón tambe tin
nan balor den nos mundo,
mes kos ku pruga

PUNTO DI BISTA
Punto di bista
di bo y bo bisiña
ta forma berdat

VULKANO
Eyfjalaloküll
ta nomber di vulkano,
strobando buelo

KURASHI
Kurashi ta djis
forsa pa logra hasi
loke bo mes por

SUNCHI FALSU
Sunchi ta sushi,
si e boka ke topa
pa chupa forsa

PERSEVERANSHA
Neglisha dolor,
keda kana ketu bai
te kaminda por

KREASHON
Kreashon a bin
kibra monotonía.
Dios tabata so!

ELOGIO
Nan ta bati man
pa esnan ku sin nan sa
ta batiendo nan

(DPI 2010)